Ndryshime në qeveri/ Vasilika Vjero largohet nga posti i zv.ministres së Financave 27/11 17:35
Kryeministri Edi Rama është takuar sot në New York me Presidentin e Turqisë, Rexhep Tajip Erdogan.
Foton, së cilës i ka vënë mbishkrimin “PHOTO OF THE DAY”, Rama e ka publikuar në rrjetin social facebook.
Kryeministri Edi Rama ndodhet në New York në javën e Nivelit të Lartë të Sesionit të 76-të të Asamblesë së Përgjithshme të OKB.
Nuk dihet ende fokusi i këtij takimi apo bisedat që janë zhvilluar mes krerëve të dy shteteve. “Takimi u zhvillua me dyer të mbyllura”, shkruan Anadolu.
Ndërkohë më herët, Presidenti turk gjatë deklaroi në një intervistë për mediat amerikane se SHBA duhet të bëjë më shumë në lidhje me refugjatët afganë pas krizës që ndodhi.
Erdogan tha se “aktualisht, SHBA-ja nuk i ka përmbushur detyrimet e saj ndaj Afganistanit”.
“Kemi më shumë se 300.000 refugjatë afganë dhe nuk do të kemi më mundësi të mirëpresim më shumë refugjatë afganë në Turqi”, tha presidenti turk në intervistën e cila do të transmetohet plotësisht të dielën.
I pyetur nëse SHBA-ja duhet të bëjë më shumë, Erdogan është përgjigjur: “Sigurisht, Shtetet e Bashkuara duhet të bëjnë shumë dhe duhet të investojnë shumë”.
“Shtetet e Bashkuara kanë qenë atje për 20 vitet e fundit, por pse kanë qëndruar në radhë të parë? Këtyre pyetjeve duhet t’u jepet përgjigje nga vetë Shtetet e Bashkuara”, shtoi ai.
Top Channel
