Greqia “shkundet” nga tërmeti i fortë, raportohet për shkëputje të masiveve shkëmbore në disa zona 21/12 18:51
Me premtimin për një “diplomaci agresive” dhe zotimin për të mos kërkuar “një Luftë të re të Ftohtë”, Presidenti amerikan Joe Biden shfrytëzoi fjalimin e tij të parë para Asamblesë së Përgjithshme të OKB -së për të promovuar një agjendë globaliste.
Udhëheqësi i forcës më të madhe ushtarake në botë tha se “fuqia ushtarake amerikane duhet të jetë mjeti ynë i fundit, jo i pari“. SHBA është e gatshme të bashkëpunojë me çdo komb, që angazhohet për zgjidhje paqësore, tha Biden ndërsa la të kuptohet në raport me Kinën se nuk dëshiron përplasje.
Megjithatë, presidenti amerikan e bëri të qartë se SHBA kundrejt vendeve armiqësore do të ndjekë një kurs të ashpër.
Pas fundit të luftës në Afganistan do të nisë një “epokë e re e diplomacisë këmbëngulëse”. Ajo luftë i përkiste së shkuarës, ne do të shohim drejt së ardhmes. Shtetet e Bashkuara të Amerikës mbeten të përkushtuara, që dhuna ushtarake të përdoret si mjeti i fundit, nëse ajo është e domosdoshme
Presidenti Biden, duke zënë për herë të parë vendin e tij si kryetar shteti para foltores spikatëse prej mermeri të gjelbër të OKB-së, gjithashtu shfrytëzoi fjalimin e tij gjysmë orësh për të bërë thirrje për veprime agresive kundër Covid 19-ës dhe ndryshimit të klimës.
“Kjo është një çështje qartësisht urgjente me të cilën duhet të përballemi në agimin e asaj që duhet të jetë një dekadë vendimtare për botën tonë, një dekadë që do të përcaktojë të ardhmen tonë“, tha presidenti amerikan i cili foli për kriza urgjente që po afrojnë.
Top Channel
