Incidentet në Kuvend/ PS përgatit propozimin për të ndëshkuar deputetët demokratë, mes tyre Hoti dhe Doda 18/10 09:55
Me rastin e 21 shtatorit, Ditës së Pavarësisë së Maltës, Kryetarja e Kuvendit, Lindita Nikolla, i ka dërguar një letër urimi Anġlu Farrugia, Kryetar i Dhomës së Përfaqësuesve të Maltës.
Në letrën e saj, Nikolla ka theksuar se Malta është sot një vend mik i Shqipërisë, me një demokraci të përparuar, anëtare e Bashkimit Europian dhe kontribuese e paqes, sigurisë dhe stabilitetit.
“Me rastin e Ditës së Pavarësisë së Maltës, në emër të Kuvendit të Republikës së Shqipërisë dhe emrin tim personal më lejoni t’Ju shpreh urimet më të ngrohta.
Shpallja e pavarësisë më 21 shtator 1964 është një ngjarje e shënuar për popullin e Republikës së Maltës sepse hapi rrugën e zhvillimit, prosperitetit dhe mirëqenies për popullin maltez.
Republika e Maltës është sot një vend mik i Shqipërisë, me një demokraci të përparuar, anëtare e Bashkimit Europian dhe kontribuese e paqes, sigurisë dhe stabilitetit.
Me këtë rast, shpreh mirënjohjen e thellë për Dhomën e Përfaqësuesve të Maltës dhe Ju personalisht, për mbështetjen e Shqipërisë në rrugëtimin e saj drejt Bashkimit Europian dhe bindjen se kjo mbështetje do të vijojë edhe në të ardhmen, për mbajtjen sa më shpejt të Tryezës së Parë Ndërqeveritare”, shkruan në letrën e urimit Kryetarja e Kuvendit, Lindita Nikolla.
Top Channel
