“Kishim një Shqipëri mos o zot, sot jemi krenarë”/ Rama thirrje shqiptarëve në Angli: Nuk po ju them merrni plaçkat, por hajdeni… 24/11 14:43
Gazeta zyrtare e PD, Rilindja Demokratike, publikoi një lajm se Sekretarja e re për të Përndjekurit në Partinë Demokratike, Jonila Godole deklaroi se PD duhet te distancohet nga Berisha njësoj si CDU nga Kohl, por e fshiu atë pas disa çastesh nga publikimi.
Lajmi mbante titullin “sekretarja e re për të përndjekurit, Godole: PD duhet të distancohet nga Berisha”, por tani nëse klikon linkun e lajmit, del që ajo thjesht nuk ekziston.
Më shumë se sa zgjedhja në kryesinë e Partisë Demokratike, Jonila Godole tërhoqi vëmendjen e publikut me qëndrimin e saj pro largimit të Sali Berishës nga PD për shkak se tashmë është pjesë e listës së zezë amerikane.
Në një intervistë për një media vizive, Jonila Godole dha një qëndrim pro amerikan, por duke kërkuar ndarjen përfundimtare të PD nga ish lideri historik i saj.
Mesazhit i dha zë krejt papritur Rilindja Demokratike. Organi zyrtar i Partisë Demokratike e mbajti për disa çaste të publikuar lajmin. Por, në mënyrë të beftë, “bomba” e Godoles u fshi dhe redaksia e RD u kërkoi ndjesë lexuesve për shkrimin e publikuar, ndjesë e cila mesa duket ishte edhe për lexuesin Sali Berisha.
Lajmi i publikuar në faqen e RD
Qëndrimet e Godoles shkaktuan jo pak zhurmë në PD pasi në telefonat e të zgjedhurve të ri mbërriti një sms nga kryetari i grupit parlamentar.
Top Channel disponon mesazhin që Alfred Rushaj i ka dërguar drejtuesve të rinj ku i kërkon që të mos dalin në intervista mediatike, apo të japin qëndrime për çështje të caktuar, pa u koordinuar më parë me linjën politike të partisë.
Elda Menga
Top Channel
