5 persona janë plagosur paraditen e sotme, pasi dy automjete, më të cilat udhëtonin janë përplasur më njëra-tjetrën në vendin e quajtur “Mbikalimi i Patokut “.
Nuk dihen shkaqet që shkaktuan aksidentin. Nga goditja e fortë, janë lënduar dy shoferët dhe 3 pasagjerë, të cilët janë dërguar në Spitalin e Traumës, në kryeqytet.
Njoftimi i policisë:
Më datë 25.08.2021, rreth orës 09:30 , në vendin e quajtur “Mbikalimi i Patokut ” janë përplasur mjeti me drejtues shtetasin Xh.T., me mjetin me drejtues shtetasin R.M., ku si pasojë e përplasjes kanë marrë dëmtime dy drejtuesit e mjeteve dhe 4 pasagjerë, të cilët janë transportuar në spitalin e Traumës, Tiranë dhe ndodhen në kujdesin mjekësor.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
Top Channel
