Ministria e Mbrojtjes përmes një njoftimi zyrtar ka treguar se si paraqitet situata e zjarreve në vendin tonë. Bëhet e ditur se aktualisht janë gjashtë vatra aktive, ndërsa dy janë shuar tërësisht dhe një vatër është izoluar.
Gadishulli i Karaburunit është vatër aktive, ku zjarri i favorizuar nga era është duke u kthyer në kërcënim serioz edhe për parkun e Llogarasë.
Vatra të tjera aktive ka në: Fushë Arrëz, fshatin Cukal, fshatin Lukan në Dibër, në fshatrat Arshi Lengo, Asim Zeneli, Krinë, në fshatrat Qesorat, Dhoksat, Tranoshisht dhe Saraqinisht, në fshatin Gadurovë- Selishtë, bashkia Mallakastër.
Është shuar zjarri në një sipërfaqe me pisha dhe shkurre në Qafë Murrë, bashkia Dibër si dhe në Malin e Shëngjinit, bashkia Lezhë.
Njoftimi i plotë:
Aktualisht në të gjithë vendin janë 6 vatra aktive. 2 janë shuar tërësisht, ndërsa 1 vatër është izoluar.
Zjarri në Gadishullin e Karaburunit vijon të jetë aktiv. Vazhdon operacioni sërish sot për shuarjen e vatrave.
Zjarri në fshatin Cukal, njësia administrative Shllak, bashkia Vau Dejës është izoluar në pjesën më të madhe të tij. Sot ka filluar operacioni për shuarjen e plotë të tij.
Vijon zjarri edhe në Fushë Arrëz. Në ndihmë të punonjësve vendorë ka shkuar edhe mbështetja me efektivë nga Forcat e Armatosura.
Në fshatin Lukan, në Dibër flakët momentalisht janë izoluar.
Në fshatrat e Njësisë Administrative Antigone kanë vijuar të jenë aktive vatrat e zjarrit në fshatrat Arshi Lengo, Asim Zeneli, Krinë. Operacioni po vijon për shuarjen përfundimtare të tyre.
Në fshatrat e Njësisë Administrative Lunxhëri vijojnë të jenë aktive vatrat e zjarrit në fshatrat Qesorat, Dhoksat, Tranoshisht dhe Saraqinisht. Ka vijuar operacioni me te gjitha forcat operacionale.
Vijon të jetë aktiv zjarri në fshatin Gadurovë- Selishtë, bashkia Mallakastër. Sot kanë filluar operacionin forcat në nivel qarku.
Është shuar zjarri në një sipërfaqe me pisha dhe shkurre në Qafë Murrë, bashkia Dibër si dhe në Malin e Shëngjinit, bashkia Lezhë.
Top Channel
