Policia e Kurbinit ka vënë në pranga në pranga një 28-vjeçar, pasi gjatë kontrollit ushtruar në makinën e tij tip “Benz” i është sekuestruar armë zjarri. Kontrolli i tij është bërë në kuadër të operacionit “Muzgu”, pas disa informacioneve që policia kishte marrë për qarkullimin e tij me armë.
“Në zbatim të planit të masave për evidentimin dhe ndëshkimin e personave që mbajnë armë zjarri pa leje, shërbimet e Komisariatit të Policisë Kurbin, bazuar në informacionet e siguruara në rrugë operative, zhvilluan dhe finalizuan operacionin policor të koduar “Muzgu”, në kuadër të të cilit u bë kapja dhe arrestimi në flagrancë i shtetasit: E. Gj.(I)., 28 vjeç, banues në fshatin Fushë Kuqe, Kurbin.
Pas informacioneve të siguruara në rrugë operative për një shtetas që lëvizte me armë zjarri në automjet, shërbimet e Policisë Kurbin kanë organizuar punën dhe në Fushë Kuqe, kanë bërë lokalizimin dhe ndalimin e mjetit tip “Benz”, me drejtues shtetasin E. Gj”, njofton policia.
Gjatë kontrollit të ushtruar në automjet, shërbimet e Policisë gjetën 1 armë zjarri automatik, 1 armë zjarri pistoletë dhe municion luftarak, të cilat u sekuestruan në cilësinë e provës materiale, bashkë me automjetin.
Materialet iu referuan Prokurorisë së Rrethit Gjyqësor Kurbin, për veprën penale “Mbajtja pa leje e armëve dhe municionit luftarak”.
Top Channel
