Mrekulli në mes të detit, emigrantja sjell në jetë foshnjën në gomone 09/01 23:03
Kryeministri grek Kyriakos Mitsotakis, është më i pasuri nga udhëheqësit politikë të Greqisë, ndërsa më i varfri është sekretari i përgjithshëm i Partisë Komuniste Greke , Dimitris Koutsoumbas, sipas listës mbi të ardhurat dhe pasuritë e politikanëve grekë për vitin financiar 2019, që është publikuar në faqen e internetit të Parlamentit.
Deklarata e Kyriakos Mitsotakis përmban të ardhurat e tij si kryeministër që shkojnë në 82,000 euro, letra me vlerë dhe një llogari bankare, ndërsa edhe bashkëshortja e tij Mareva Grabovski Mitsotaki deklaron rreth 60000 euro nga shërbimet e paguara dhe pasuritë e paluajtshme , 3 depozita per sende të çmuara në një bankë greke,rreth 400.000 euro dhe dollarë në bankat e vendit dhe të huaja.
Pasuria e paluajtshme e çiftit, e cila tregon pronësi në 36 prona në Kretë, Athinë dhe Tinos, mbetet e pandryshuar, ndërsa të dy duket se vazhdojnë të shlyejnë hua të marra nga banka të ndryshme.
Presidenti i SYRIZA -s, Alexis Tsipras, deklaron të ardhurat që arrijnë në 67,000 euro, ndërsa bashkëshortja e tij 19,000 euro, një depozite bankare prej 140,000 euro, një apartament 114 m2 në Athinë që nga viti 1996 dhe një tokë 300 m2 në Artemida, që nga viti 2011, të dyja asete nga përfitimi prindëror. Gjithashtu Tsipras ka një motor 700 kubikë i vitit 2007 dhe gruaja e tij një makinë 1,300 kubike e vitit 2013.
Rreth 30 prona, të ardhura të mira dhe depozita bankare deklaron edhe kryetarja e socialisteve grekë Fofi Gjenimatas. Përsëri komentohet për të ardhurat e larta kreu i partisë Mera 25, ish-ministër i Financave në qeverinë Tsipras, Janis Varufakis, por edhe kreu i partisë tjetër parlamnetare “Zgjidhja greke” Kyriakos Velopoulos.
Kurse lideri i komunisteve grekë deklaron vetëm të ardhurat si deputet për 2019 në vlerën e 73.500 eurove , bashkëshortja e tij 18.000 euro, ndërsa kanë vetëm dy prona në Greqinë qendrore.
Publikimi i pasurive dhe të ardhurave të politikanëve, që bëhet çdo vit, vjen sivjet në një moment kur në qendër të kritikave të opozitës greke është pikërisht çifti Mitsotakis,që akuzohet se ka fshehur në deklaratat e tij prej vitit 2016 një kompani dhe një pronë në Francë.
Top Channel
