Ambasadorja e SHBA, Yuri Kim ka cilësuar hap të rëndësishëm në Reformën në Drejtësi dekretimin e gjyqtarit Artur Kalaja si anëtari i tetë i Gjykatës së Lartë.
Me anë të një shkrimi në Twitter, Kim thotë se së shpejti do të emërohet edhe gjyqtari i nëntë ndërsa kur të emërohet gjyqtari i dhjetë, atëherë Gjykata e Lartë do të ketë kuorumin e nevojshëm për të caktuar 3 gjyqtarë në Gjykatën Kushtetuese.
Statusi nga ambasadorja Yuri Kim
Hap i rëndësishëm përpara për zbatimin e Reformës në Drejtësi: Gjyqtari i 8-të emërohet në Gjykatën e Lartë, i 9-i do të vijë së shpejti. Sapo të emërohet i 10-ti, Gjykata e Lartë do të ketë kuorumin për të caktuar 3 gjyqtarë të tjerë në Gjykatën Kushtetuese. Faleminderit Këshillit të Lartë Gjyqësor dhe Presidencës për realizimin e kësaj.
Top Channel
