![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Përderisa lufta kundër variantit Delta të COVID-19 vazhdon në Australi, mijëra njerëz protestuan kundër vendosjes së orës policore në Sidney dhe Melburn.
Mijëra protestues u mblodhën në dy qytetet më të mëdha, Sidney dhe Melburn, në vendin ku varianti Delta po kërcënon gjithnjë e më shumë. Qytetarët në protesta kërkuan që kufizimet, të vendosura në ditët e mëparshme, të hiqen sa më shpejt të jetë e mundur.
Protestuesit mbanin pankarta me mbishkrimet “Liri” dhe brohorisnin parulla të tilla si “Zgjohu Australi”, “Mjaft më”, “Jo vaksinave, hiqni maskat” dhe “Kemi të drejtat tona”. Në Sidney pati edhe përplasje mes policisë dhe protestuesve.
Forcat e sigurisë gjatë ndërhyrjes në protesta, të mbajtura pa miratim paraprak, arrestuan shumë protestues. Gjatë 24 orëve të fundit në Australi janë raportuar 176 raste me COVID-19.
Top Channel