A do t’i japë Trump fund luftës? Putin jep shpresë: Jam gati të rinis kontaktet me Perëndimin 07/11 22:48
Shtëpia e Bardhë, veç Facebook ka përfshirë edhe Youtube fajëson në listën e platformave të mediave sociale që zyrtarët thonë se janë përgjegjës për një përhapje alarmante të informacionit të rremë në lidhje me vaksinat COVID dhe nuk po bëjnë sa duhet për ta ndaluar atë.
Reuters thotë se kritikat vijnë vetëm një javë pasi Presidenti Joe Biden e quajti Facebook dhe kompanitë e tjera të mediave sociale “vrasëse” për dështimin për të ngadalësuar përhapjen e dezinformatave në lidhje me vaksinat.
Një zyrtar i lartë i administratës i tha Reuters se një nga problemet kryesore është “zbatimi i paqëndrueshëm”. YouTube, që zotërohet nga Google dhe Facebook marrin vendimin se çfarë cilësohet si keqinformim në platformat e tyre. Por rezultatet e kanë lënë Shtëpinë e Bardhë të pakënaqur.
“Facebook dhe YouTube … janë hetuesi, gjykatësi, juria dhe ekzekutuesi kur bëhet fjalë për atë që po ndodh në platformat e tyre”, tha një zyrtar i administratës, duke përshkruar qasjen e tyre ndaj dezinformimit COVID. Disa nga pjesët kryesore të dezinformimit të vaksinave që administrata e Biden po lufton përfshijnë që vaksinat COVID-19 janë joefektive, pretendime të rreme se ato mbajnë mikroçip dhe se dëmtojnë lindshmërinë e grave, tha zyrtari.
Kompanitë e mediave sociale janë kritikuar kohët e fundit nga Biden, sekretarja i tij për shtyp, Jen Psaki dhe gjenerali kirurg Vivek Murthy, të cilët kanë thënë se përhapja e gënjeshtrave rreth vaksinave po e bën më të vështirë luftimin e pandemisë dhe shpëtimin e jetëve.
Një raport i fundit nga Qendra për Luftimin e Urrejtjes Dixhitale, i cili është theksuar gjithashtu nga Shtëpia e Bardhë, tregoi se 12 llogari anti-vaksinash po përhapin gati dy të tretat e keqinformimit anti-vaksinë në internet. Gjashtë nga ato llogari janë ende duke postuar në YouTube.
Top Channel
