Protesta të punonjësve të çelikut pas shkurtimeve të vendeve të punës në veri të Francës (fotot) 25/11 19:28
Emiratet e Bashkuara Arabe krijuan shiun artificial për të përballur temperaturat përvëluese prej 50 gradësh Celsius, duke shkaktuar habi e admirim.
Meqenëse nëna natyrë deri tani nuk kishte ndihmuar shumë, autoritetet vendosën ta merrini vetë situatën në dorë përmes teknologjisë: një ushtri dronësh lëshuan shkarkesa elektrike mbi retë, duke i detyruar kështu të prodhonin shi. Emiratët e Bashkuara, një prej vendeve më të nxehta në Tokë, po përballen me një tjetër valë munduese të nxehti.
Me procedurën që njihet si “mbjellja e reve”, atje është eksperimentuar prej disa kohësh, por tani ajo arriti të japë fryte edhe pa përdorur kimikate, çka e bën më miqësore për ambjentin. Efektet megjithatë, nuk kanë qenë në të gjithë rastet ato të dëshiruarat. Në disa zona si në qytetin , reshjet u bënë aq të rrëmbyera sa zyrtarët lokalë nxorën paralajmërime për drejtuesit e automjeteve teksa në një pjesë të rrugëve, pati përmbytje të befasishme.
Situata të tilla mund të jetë tipike në Azinë Juglindore, por jo për Emiratet ku njerëzit janë mësuar me temperatura të larta në këtë periudhë e me një mot të thatë. Me teknologjinë e krijimit të shiut është eksperimentuar që prej viteve 1940. Mbjellja e reve zakonisht përfshinte lëshimin e grimcave solide mbi to, si kripa apo joduri i argjendit, me qëllimin të inkurajohen reshjet e shiut apo dëborës në vendet e thata.
Top Channel
