Pagesa më të lira në banka! Hyrja e Shqipërisë në SEPA, vitin e parë kursehen 20 milionë euro
23/11 15:07
Pas goditjes që mori nga pandemia, duket se industria fason po rimëkëmbet edhe pse me ritme më të ngadalta.
Përfaqësues të sektorit shpjegojnë se lehtësimi i kufizimeve në shtetet partnere drejt të cilave eksportojnë ka bërë që një pjesë e kompanive t’i rikthehen sërish prodhimit të veshjeve e këpucëve.
Pandemia shtojnë ata ka rritur mundësitë duke diversifikuar hartën e shteteve eksportuese.
“Ndërmarrjet që vendosën të diversifikojnë teknologjinë për të vazhduar me veshjet Covid po vazhdojnë me prodhimin e tyre dhe pjesa tjetër i është kthyer modës apo rrobave dhe këpucëve të punës. Janë prodhuar shumë koleksione të reja për t’u përgatitur për t’u përgatitur për vitin e ardhshëm. E gjitha do varet nga sfilatat. Kam parasysh Britaninë e Madhe, vendet nordike, vendet e ulëta. Por, ne duhet të jemi të gatshëm që këtë interesim ta përkthejmë në marrëveshje të reja”, thotë Florian Zekja, përfaqësues i industrisë fason.
Por, pasiguritë për të ardhmen janë të mëdha dhe ecuria e sektorit shtojnë ata do të varet shumë nga këto faktorë.
“Duhet të shohim se si do të jetë situate në Europën Perëndimore dhe në botë. Ato që ndikojnë janë 3 faktorë, vijimësia e situatës me pandeminë. E dyta do shohim se si vendet e Europës ku ne eksportojnë do sillen me bizneset e tyre, nëse do t’i ndihmojnë. E treta lidhet me garancinë që ka premtuar qeveria për manifakturën, nëse paketa aplikohet vitin e ardhshëm atëherë është shumë vonë”.
Eksportet e tekstileve dhe këpucëve kanë ndjekur një ecuri pozitive gjatë 6-mujorit të këtij vitit, pasi sipas INSTAT arritën në 56.2 miliardë lekë, rreth 65.3 milionë euro më shumë se një vit më parë, por ende nuk po arrijnë dot nivelet e parakrizës.
Top Channel
