Lushnja merr më shumë para/ Rritet me 4 milionë euro buxheti, PD: Po bëhet për zgjedhjet 26/12 15:50
Pabarazia midis grave dhe burrave në tregun e punës që u përkeqësua për shkak të pandemisë së COVID-19 do të vazhdojnë, ku do të ketë 13 milionë gra më pak të punësuara në 2021 krahasuar me 2019 ndërsa punësimi i burrave do të rimëkëmbet, thuhet në raportin e Organizatës Ndërkombëtare të Punës (ONP).
“Megjithëse rritja e parashikuar e vendeve të punës në 2021 për gratë tejkalon atë të burrave, megjithatë do të jetë e pamjaftueshme për t’i rikthyer gratë në nivelet e punësimit para-pandemisë“, thuhet në raportin e ONP-së.
Vetëm 43.2 për qind e grave në botë do të kenë punësim në vitin 2021 krahasuar me 68.6 për qind të burrave.
Raporti i ONP-së i titulluar “Ndërtimi i së Ardhmes me Drejtësi: Të drejtat e grave për të punuar dhe në punë në thelbin e rimëkëmbjes nga COVID-19” dhe dhënia e parashikimeve ‘afatshkurtra’”.
“Dhuna në familje si dhe dhuna dhe ngacmimi gjinor në marrëdhënie pune u përkeqësuan gjatë pandemisë, duke minuar edhe më shumë mundësitë e grave që të angazhohen në punë të paguar”, thotë raporti.
Kjo tregon se gratë kanë pësuar humbje disproporcionale të punës dhe të ardhurave për shkak të përfaqësimit të tyre të tepruar në sektorët më të goditur siç janë akomodimi dhe shërbimet ushqimore dhe sektori i prodhimit.
Globalisht, midis 2019 dhe 2020, punësimi i grave ra me 4.2 për qind, duke përfaqësuar një rënie prej 54 milionë vendeve të punës ndërsa punësimi i burrave ra me 3 për qind ose 60 milionë vende pune.
Nuk është njësoj gjithkund
Megjithatë, nuk është njëjtë në të gjitha rajonet. Rënia e dytë më e lartë në numrin e grave të punësuara u regjistrua në shtetet arabe, ku midis 2019 dhe 2020, punësimi i grave ra me 4.1 për qind dhe burrave me 1.8 për qind.
Në shtetet arabe, megjithë perspektivave të favorshme për punësimin e grave në 2021, gratë vazhdojnë të jenë me gjasë pesë herë më pak të punësuara sesa burrat.
Në Azi dhe Paqësor, pandemia çoi që punësimi i grave të ulej me 3.8 për qind krahasuar me një rënie prej 2.9 për qind për burrat.
Në Evropë dhe Azinë Qendrore, punësimi i grave ishte më i ulët për 2.5 për qind ndërsa burrat u përballën me një rënie prej 1.9 për qind.
Në Afrikë, punësimi i burrave përjetoi rënien më të vogël në të gjitha rajonet gjeografike, me një rënie prej vetëm 0.1 për qind midis 2019 dhe 2020 ndërsa punësimi i grave u ul me 1.9 për qind.
“Gjatë pandemisë, gratë kaluan shumë më mirë në vendet që morën masa për t’i parandaluar nga humbja e vendeve të tyre të punës dhe i lejuan ato të hyjnë përsëri në punë sa më shpejt që ishte e mundur”, thuhet në raportin e ONP-së.
Për shembull, raporti citon Kilin dhe Kolumbinë, ku subvencionet e pagave u aplikuan për punësime të reja, me norma më të larta të subvencioneve për gratë.
Kolumbia dhe Senegal ishin ndër ato që krijuan ose forcuan mbështetjen për gratë sipërmarrëse.
Raporti rekomandon investime në ekonominë e kujdesit sepse sektorët e shëndetësisë, punës sociale dhe arsimit janë thelbësore për vendet e punës, veçanërisht për gratë./AA
Top Channel
Lushnja merr më shumë para/ Rritet me 4 milionë euro buxheti, PD: Po bëhet për zgjedhjet 
