![](https://top-channel.tv/wp-content/uploads/2024/09/0-2024-09-07T190138.257-800x450.jpg)
Policia e Shtetit vazhdon të hetojë personat që kanë shfrytëzuar hapësirat publike në plazhe, pa leje.
Sipas policisë, 29-vjeçari me iniciale B.T. kishte vendosur 24 çadra dhe 40 shezlongë, pa u pajisur më parë me lejen përkatëse.
Njoftimi i policisë:
Gjatë ditës së djeshme, në vijim të fazës së dytë të operacionit “Bregdeti ynë”, nga specialistët për Hetimin e Krimeve në Komisariatin e Policisë Vlorë u procedua penalisht shtetasi:
B. T., 29 vjeç, banues në Vlorë.
Gjatë kontrollit të ushtruar në plazhin e Zvërnecit, Vlorë, u konstatua se ky shtetas kishte zënë hapësirën publike duke vendosur shezlongë dhe çadra pa lejen e organeve kompetente. U sekuestruan 24 çadra dhe 40 shezlongë.
Materialet i kaluan Prokurorisë, për veprime të mëtejshme.
Top Channel