Kufiri Shqipëri-Greqi dhe anasjelltas është hapur me orar të plotë dhe tashmë qytetarët shqiptarë janë të lirë të udhëtojnë drejt fqinjit.
Ministria e Jashtme njofton se të dyja pikat kufitare, ajo e Kakavijës dhe e Kapshticës do të funksionojë 24 orë për të gjitha kategoritë e udhëtarëve.
Ndërsa, përsa i përket pikës kufitare të Qafëbotës deri më datën 7 korrik do të funksionojë në të njëjtën mënyrë siç edhe ka funksionuar deri më sot, nga ora 08:00 deri në 16:00, me limit në hyrje 250 persona.
Në njoftimin e Ministrisë thuhet se vazhdon të kërkohet PLF, PCR, Rapid test, certifikatë vaksinimi ose vërtetim që qytetari është diagnostikuar me Covid-19 (2-9 muajt e fundit), për të gjithë udhëtarët.
Ndërsa, numri i personave të cilët do të lejohet të kalojë çdo pikë kufitare është: Kakavijë: 1500 vetë (tashmë e hapur 24 orë), Qaf botë: 250 vetë (08:00 me 16:00), Kapshticë: 400 vetë (24 orë e hapur).
Njoftimi i plotë i Ministrisë së Jashtme:
Ministria për Evropën dhe Punët e Jashtme njofton se nga data 1 korrik do të funksionojnë gjatë 24 orëve
Pikat Kufitare të Kakavisë dhe Kapshticës, për të gjitha kategoritë e udhëtarëve.
Ndërsa Pika Kufitare Qafbotë, deri më datë 7 korrik 2021 do të funksionojë në të njëjtën mënyrë si funksionon sot: nga ora 08:00 deri 16:00, me limit në hyrje 250 persona.
Vazhdon të kërkohet:
PLF
PCR, Rapid test, çertifikatë vaksinimi ose vërtetim që qytetari është diagnostikuar me Covid-19 (2-9 muajt e fundit).
Informojmë se numri i lejuar për çdo Pikë Kufitare është si më poshtë:
• Kakavijë: 1500 vetë (tashmë e hapur 24 orë)
• Qafbotë: 250 vetë ( 08:00 me 16:00)
• Kapshticë: 400 vetë (24 orë e hapur).
Top Channel
