Ende nuk është krijuar një urë komunikimi mes këshilltarëve të bashkisë së Vlorës dhe kryetarit të bashkisë Dritan Lelit.
Anëtarët e këshillit bashkiak ashtu siç kishin paralajmëruar janë mbledhur sot për të zhvilluar mbledhjen në ambientet e teatrit “Petro Marko”, por dyert janë mbyllur sërish.
Anëtarët e Këshillit bashkiak kanë vendosur që ta zhvillojnë mbledhjen jashtë teatrit, në ambient të hapur në rendin e ditës.
Mbasi janë miratuar tre pikat të cilësuara jetike për disa kategori, si ndihma ekonomike apo regjistrimi në kopshte dhe çerdhe për familjet me probleme sociale, anëtari i këshillit bashkiak njëherazi kryetari i këshillit të qarkut Ervis Mocka në një deklaratë për mediat tha ka sqaruar që dy pikat të tjera të rendit ditës si kredia e butë për familjet është shtyrë pasi ka shumë kërkesa ndërsa blerja e pompave të ujit në Nartë dhe Zvërnec është shtyrë pasi kërkohet transparencë fond tek 1 milion euro për aprovimin e tyre dhe tashmë kërkohet fond shtesë, çka ka nisur një hetim për të.
“Disa pika në rend të ditës kërkojnë transparencë dhe sot do ishte e nevojshme që kryetari apo administrata e bashkisë të ishin sot prezent për të bërë transparence për to si pika për ndryshimin e buxhetit për disa pajisje apo linja për ujësjellësin Nartë – Zvërnec ku ka pasur një fond prej 1 milion euro pra pse kërkohet një fond shtesë“, tha Mocka.
Kryetari i bashkisë, Dritan Leli lajmëroi një ditë më parë se nuk do të ishte i pranishëm në mbledhje, për shkak të agjendës së planifikuar. Ky i fundit e kishte thirrur zhvillimin e mbledhjes një ndërsa bëjnë me dije burimet është për një vizitë pune në Itali. Ndërkohë që dera e teatrit ‘Petro Marko’ u hap vetëm të dielën, me praninë e kryeministrit Edi Rama, i cili mblodhi asamblenë socialiste të qytetit.
Top Channel
