Policia e Kavajës ka ndaluar dy persona, pasi kanë vjedhur banesën e një personi.
Po ashtu këta persona në bashkëpunim me njëri-tjetrin kanë kryer 4 vjedhje të tjera (2 magazina dhe 2 banesa) po në Kavajë.
“Nga specialistët për Hetimin e Krimit në Komisariatin e Policisë Kavajë u bë ndalimi i shtetasve:
E.C(B)., 24 vjeç dhe A. K., 41 vjeç,pasi me datë 19.05.2021, kanë vjedhur banesën e shtetasit R. B. Gjithashtu këta shtetas në bashkëpunim me njëri-tjetrin kanë kryer 4 vjedhje të tjera (2 magazina dhe 2 banesa) në Qytetin e Kavajës”, njofton policia.
Gjithashtu janë referuar materialet në Prokurori dhe po punohet për kapjen e një 25 vjeçari dhe një 28 vjeçari.
Sipas Policisë këta persona dyshohet se gjatë natës në Kamzë, kanë tentuar të vjedhin një magazinë.
“Më datë 07.05.2021, u referuan materialet në Prokurorinë pranë Gjykatës së Shkallës Parë Tiranë dhe punohet për kapjen e shtetasve S. M., 25 vjeç dhe K. H., 28 vjeç, sepse dyshohet se gjatë natës në Kamzë, kanë tentuar të vjedhin një magazinë”, bën me dije policia.
Top Channel
