Këto banesa pranë kopshtit zoologjik në Tiranë nuk i dëmtoi as tërmeti i 26 nëntorit të vitit 2019.
Por së fundmi toka në themelet e tyre po shembet dhe këtë herë fajtor janë njerëzit. Banorët akuzojnë direkt kompaninë “Salillari”.
Gërmimet e themeleve nga kompania ‘Salillari’ kanë krijuar rrëshqitje të dheut dhe ndërkohë që themelet priten të gërmohen edhe më thellë akoma. Të çarat e krijuara në sipërfaqe të rrugës kanë krijuar frikë te banorët se ndonjë ditë mund të gdhihen nën rrënoja.
Të çarat në muret e banesave dhe në tokën e themeleve vazhdojnë të zgjerohen me shpejtësi dhe banorët tremben se së shpejti do duhet të largohen prej andej për t’i shpëtuar shembjes qe po ju shkakton kompania “Salillari”.
Top Channel
