Një tjetër krim brenda familjes ka ndodhur në vend. Në fshatin Dragostunjë, Librazhd, Qemal Bici rreth 56 vjeç, ka vrarë me sëpatë bashkëshorten e tij Lumturie Bici, rreth 53 vjeçe në banesën e tyre.
Menjëherë pas aktit të rëndë autori ka varur veten në një pemë. Mësohet se Qemal Bici ka qenë person problematik përsa i përket alkoolit dhe shpenzimit të parave. Madje ka pasur edhe kallëzim në polici nga bashkëshortja e tij, të cilën thuhet se e dhunonte shpesh.
Çifti ka 4 fëmijë: një vajze në Angli, një djalë në Greqi, djalin tjetër në Tiranë dhe një fëmijë më të vogël. Në momentin e krimit fëmijët nuk kanë qenë të pranishëm, por më pas ata kanë shkuar në banesë e kanë gjetur nenën e vrarë dhe më pas babain të varur te pema.
Një natë më parë Shkodra u trondit nga një tjetër krim në familje. Viktima ishte një grua e cila u vra nga i vëllai i saj. Diana Vuka 55 vjeç ishte kthyer nga Gjermania për të parë të vëllanë, person me probleme me alkoolin. Por ai vrau të motrën me armë zjarri.
Top Channel
