Kapiten-Leitnanti shqiptar i Forcës Detare, Eldi Ormeni ndihmoi në drejtimin e anijes së “Defender 21”, në operacionin më të madh të stërvitjes në Ballkan që u zhvillua në vendin tonë.
Si oficer ndërlidhje (LNO), është detyra e Ormenit që të sigurojë lidhjen midis personelit shumëkombësh ushtarak dhe civil të përfshirë në stërvitjet DEFENDER-Europe 21.
Ormeni ka punuar edhe jashtë orarit të punës për të ndihmuar në lehtësimin e operacioneve logjistike në Portin e Durrësit, organizimin, koordinimin, drejtimin dhe përkthimin për personelin shqiptar, SHBA-së dhe MB në mënyrë që të sigurojë unitetin e përpjekjeve midis ekipeve shumëkombëshe ndërsa ato punuan së bashku gjatë operacioneve të mëdha që sollën mijëra pajisje dhe furnizime në Shqipëri.
Shqiptari është shprehur se në bordin e anijes mësoi rëndësinë e gjendjes morale dhe përpiqet të nxisë një frymë miqësie midis trupave amerikane dhe shqiptare që jetojnë dhe punojnë së bashku këtu.
“Ne jemi përpjekur të krijojmë aktivitete të ndryshme midis forcave shqiptare dhe atyre amerikane që ata të mund të krijojnë atë marrëdhënie me njëri-tjetrin”, tha ai.
Ai shtoi se këto marrëdhënie janë të rëndësishme sepse përveç stërvitjes ku ata po fitojnë profesionalizëm, gatishmëri dhe aftësi drejtuese, si dhe zgjerojnë ndërveprimin midis kombeve partnere, ata gjithashtu po njihen me njëri-tjetrin dhe ndërtojnë miqësi dhe besim që do të lejojë të punojnë së bashku pa probleme në misionet e ardhshme.
“Ne kemi ekipin e zhytjes së Shqipërisë i cili ka bashkëpunuar me ekipin e zhytjes së ushtrisë, duke punuar së bashku dhe duke u stërvitur në ujërat tona. Ata po eksplorojnë ujërat tona dhe po ndajnë përvoja me njëri-tjetrin dhe duke mësuar nga njëri-tjetri”, tha Ormeni.
Sipas Ormenit, komandantët shqiptarë dhe amerikanë kanë qenë shumë dakord në këto misione të përbashkëta stërvitore.
“Për mua, të bëj një nga trajnimet e mia të zhytjes me zhytës të SHBA është shumë e rëndësishme. Kjo më bën më të sigurt dhe e di se ai do të bëjë një punë të shkëlqyer në det. Së bashku nuk na mundin dot. Ne jemi më të fortë së bashku”, tha ai.
Defender Europe 21 është një stërvitje në shkallë të gjerë e udhëhequr nga ushtria Amerikane, e krijuar për të ndërtuar gatishmërinë dhe ndërveprimin midis SHBA, aleatëve të NATO-s dhe ushtrive partnere.
Top Channel
