Presidenti gjerman shpërndan parlamentin, zgjedhjet e parakohshme do të mbahen më 23 shkurt 27/12 17:13
Përfaqësuesi Special i BE-së për Dialogun Beograd-Prishtinë dhe çështje të tjera rajonale të Ballkanit Perëndimor, Miroslav Lajçak, do të vizitojë Kosovën më 31 maj dhe 1 qershor 2021, ku do t’i bashkohet edhe Zëvendës Ndihmës Sekretari i Shtetit të SHBA-ve, Matthew A. Palmer.
Sipas një njoftimi për media gjatë vizitës së tij dy-ditore të punës, Lajçak do të takohet me Presidenten Osmani, Kryeministrin Kurti, Zëvendës Kryeministrin e Parë për Integrim Evropian, Zhvillim dhe Dialog Bislimi, Zëvendës Kryeministren e Dytë dhe Ministren e Punëve të Jashtme dhe Diasporës Gërvalla-Schwarz.
“Për vizitën, Përfaqësuesit Special të BE-së Lajçak do t’i bashkohet Zëvendës Ndihmës Sekretari i Shtetit të SHBA-ve në Byronë e Çështjeve Evropiane dhe Euroaziatike me përgjegjësi për Ballkanin Perëndimor dhe Egjeun dhe Përfaqësuesin Special për Ballkanin Perëndimor, Matthew A. Palmer. Ata së bashku do t’i drejtohen mediave të martën, 1 Qershor, në 10:45 në zyrën e BE-së”, thuhet në njoftim.
Këtë vizitë të përbashkët të Lajçak dhe Palmer, njohësja e integrimeve evropiane Donika Emini po e sheh si një rikthim uniteti mes SHBA-së dhe BE-së.
“Kjo vizitë e përbashkët e tyre jep mesazhin se SHBA dhe BE janë në një linjë të përbashkët sa i përket dialogut Kosovë-Serbi. Mund të ketë vende anë tare të BE-së që mund të kenë qasje të ndryshme, mirëpo ky proces udhëhiqet nga Lajçaku i cili më shumë gjasë edhe do ta ketë fuqinë e dhënë nga Palmeri që për Kosovën do të thotë shumë”, deklaroi Donika Emini për RTV Dukagjinin.
Një takim mes Lajçak dhe Palmer ka ndodhur me datë 26 të këtij muaji./Telegrafi/
Top Channel
