![](https://top-channel.tv/wp-content/uploads/2024/09/MixCollage-07-Sep-2024-05-33-PM-5997-800x450.jpg)
Shtetet e Bashkuara kaluan pragun e 50 për qind të të rriturve plotësisht të vaksinuar të Martën, tha sot Shtëpia e Bardhë. Më shumë se 60 për qind e të rriturve ose rreth 160 milionë njerëz morën të paktën një dozë të njërës prej tri vaksinave të miratuara në vend.
“Tani 50 për qind e të gjithë të rriturve amerikanë janë plotësisht të vaksinuar”, shkruan Cyrus Shahpar, i ngarkuar me ndjekjen e të dhënave për Shtëpinë e Bardhë. Kjo do të thotë që këta njerëz morën dy injeksione të vaksinës Moderna ose Pfizer /BioNTech, ose një dozë të vaksinës Johnson and Johnson.
Pas një fillimi të ngadaltë në fund të vitit 2020, administrata e presidentit Joe Biden drejtoi një fushatë vaksinimi masive. Ritmi i fushatës së vaksinimit po binte midis mesit të prillit dhe mesit të majit kur do të bindeshin më skeptikët dhe indiferentët.
Megjithatë, numri i vaksinave ditore kohët e fundit ka filluar të rritet. Vaksinimi Pfizer u nis dy javë më parë për 12-vjeçarët, si dhe një numër programesh stimuluese për vaksinimin e një personi, siç është lotaria. Presidenti Biden ka vendosur objektivin për të vaksinuar 70 për qind të të rriturve në Shtetet e Bashkuara deri më 4 korrik me të paktën një dozë.
Top Channel