Komisioneri Shtetëror i Zgjedhjeve, Ilirjan Celibashi do të mbajë një mbledhje pas pak, ku ndër të tjera në rendin e ditës janë edhe dy zëvendësime mandatesh deputeti.
Bëhet fjalë për vakancën e krijuar në listën shumëemërore të qarkut Fier, për shkak të ndarjes nga jeta të deputetit Bashkim Fino. Mësohet se vendin e Finos në Fier do ta marr Gentian Cakrani.
Vakanca tjetër është ajo e Tom Doshit, i cili dha dorëheqjen nga mandati pak pas përfundimit të zgjedhjeve të 25 prillit.
I dyti në listën e PSD në Shkodër është kandidati Gledis Çeliku, i cili nuk ka dorëzuar formularin e dekriminalizimit dhe për pasojë e humbet mandatin e deputetit.
Kujtojmë se zëvendësimi i mandateve të Tom Doshit që vendosi të tërhiqet nga gara dhe Bashkim Finos, i cili ndërroi jetë si pasojë e covid, do të bëhet me listën e deputetëve të 2017, për sa kohë është në detyrë parlamenti aktual.
Top Channel
