Në prag të protestës së 26 nëntorit, Berisha: Nesër do të kryejmë nderime në vendin ku u vra Martin Cani
24/11 20:58
Kryetari i Partisë Demokratike, Lulzim Basha ishte në Berat, në takimet për fushatën që ka nisur brenda Partisë Demokratike për zgjedhjet e 13 qershorit.
Basha ftoi demokratët për të çuar deri në fund betejën e nisur sepse 25 prilli nuk ka asnjë lidhje me demokracinë.
“Jemi të vetëdijshëm se jo vetëm në Berat po anembanë Shqipërisë, ne qëndruam fuqishëm. Ju qëndruat me kurajën më të madhe në një fushëbeteje ku ai vinte me kriminelët dhe paratë e oligarkëve dhe ne shkonim me ndershmëri, me program, me ide, me vizion dhe me zemrën e hapur për njerëzit”, tha Basha.
Me këto fjalë e nisi takimin e tij kreu i PD-së, Lulzim Basha, me demokratët e Beratit. Ai tashmë është në një fushatë të dytë elektorale dhe në një betejë të re, këtë herë brenda Partisë Demokratike.
“Unë e di që ju e doni Partinë Demokratike të jetë e bashkuar dhe e fortë dhe ju garantoj që ky është dhe prioriteti im i parë dhe kryesor që nga kjo garë, nga ky proces i brendshëm të dalim të bashkuar dhe të fortë. Partia Demokratike është më e madhe se gjithsecili prej nesh, duke filluar nga kryetari e deri tek anëtari më i thjeshtë dhe është edhe më e madhe se arritjet apo gabimet e gjithsecilit prej nesh, por vetëm bashkë me të gjitha arritjet dhe gabimet tona e di se mund dhe do t’ia dalim në krye për ta çuar deri në fund misionin me të cilën e kemi nisur betejën për ndryshim”, tha ai.
Basha më pas është takuar edhe me demokratët e Kuçovës dhe të bashkisë Dimal.
Top Channel
