I penduar për tërheqjen e tij nga gara presidenciale, habit Joe Biden: Do e kisha mundur Trumpin 28/12 18:59
“Ushtria australiane është e dobët, e papërfillshme dhe do të jetë e para që do të goditet në rastin e çdo konflikti të mundshëm për Tajvanin”, paralajmëruan mediat shtetërore kineze.
Mesazhi nga organi i preferuar i propagandës i Partisë Komuniste, Global Times, erdhi në kohën kur forcat detare të Australisë sapo përfunduan stërvitjen e zhvilluar me SHBA-në, Francën dhe Japoninë në detin e Kinës Jugore. këto ishin të parat manovra të kësaj natyre mes katër shteteve.
Stërvitja u quajt “Zhan Dark 21”. Gjatë saj u praktikuan veç të tjerash sulme me mjete amfibe dhe mbrojtja antiajrore, në një lëvizje që nxehu keq Pekinin. “Australia të mos mendojë se do t`i fshihet dot Kinës nëse e provokon. E kemi në rrezen e raketave tona balistike DF-26. Po guxoi të ndërhyjë në ndonjë konflikt ushtarak në ngushticën e Tajvanit, do të jetë e para që do të goditet”, paralajmëron gazeta kineze.
Kina është vendosur në kurs përplasjeje me Australinë që vitin e kaluar, kur i vuri një bllokade tregtare me vlerë 20 miliardë dollarë eksporteve australiane pasi autoritetet atje kërkuan një hetim ndërkombëtar mbi origjinën e pandemisë së koronavirusit, të shfaqur në Wuhan në 2019-tën. tensionet u përshkallëzuan edhe më tej kur figura si ministri australian i mbrojtjes Peter Dutton, ish kreu i kësaj ministrie Christopher Pyne dhe ministri i brendshëm Michael Pezzullo, deklaruan se në rajon po “bien daullet e luftës”.
Top Channel
