Gjykatësja federale pushon çështjen penale ndaj Trump, për ndërhyrje në zgjedhjet e vitit 2020 26/11 10:13
Një punonjëse ndërtimi është qëlluar për vdekje me armë dje në City Island në New York, nga një sulmues që teksa largohej me biçikletë u godit nga një makinë në lëvizje.
52 vjeçarja Lizbeth Mass u qëllua disa herë me armë teksa ishte në pushimin e drekës dje në City Island.
Por vrasësi, gjatë arratisjes së tij me biçikletë u godit nw dukje qellimisht, nga makina e një tjetër punonjësi ndërtimi dhe pak më vonë u arrestua nga policia, njoftonin mediat vendase.
Mass u dërgua me urgjencë në spitalin Jacobi ku dhe vdiq, njoftoi policia.
Një nga kolegët e saj tha se gruaja ishte në pushimin e drekës kur u sulmua.
“Ai me biçikletë erdhi duke i ulëritur dhe më pas e qëlloi me armë! Ndërsa ai me makinën e zezë Hyundai e goditi qëllimisht vrasësin, doli nga makina dhe e goditi me shkelma,” tha dëshmitari okular që refuzoi të emërohej.
Mass ishte e njohur për banorët lokale pasi punonte prej një viti në kantierin e ndërtimit.
“Të gjithë e përshëndesnin dhe i buzëqeshnin asaj pasi mbante një kapele rozë. Ishte një person shumë i dashur, nuk mund ta besoj këtë që ndodhi”, shtoi dëshmitari.
Policia tha se vrasësi u dërgua në spital për plagët e përplasjes. Zyrtarët thanë se konflikti mund të ketë nisur nga një debat shtëpiak mes të dyve.
Një tjetër dëshmitar i lokalitetit tha se vrasësi e njihte viktimën dhe zakonisht i sillte asaj drekën në punë
“Ai i sillte asaj sanduiçë çdo ditë, por sot i solli plumba”, tha ai.
Top Channel
