Kreu i emigracionit në SHBA: Duhet ‘një jetë njeriu’ për të deportuar të gjithë emigratët kriminelë nga New York (fotot)
23/11 21:40
Administrata e burgut ku po mbahet Alexei Navalny po kërcënon ta ushqejë atë me forcë, ndërsa kritiku i Kremlinit ka hyrë në grevë urie dhe ka humbur 15 kilogramë.
Navalny peshon 77 kilogramë, që është tetë kilogramë më pak se pesha në fillim të grevës së urisë dhe 15 kilogramë më pak se pesha në kohën e arritjes në burg.
“Duke parë seriozitetin e grevës së urisë, administrata po kërcënon ta ushqejë me forcë çdo ditë. Në të njëjtën kohë, Alexei është transferuar nga departamenti mjekësor”, shkruan në llogarinë e tij të Twitterit.
Aleatët e opozitarit rus pretendojnë se administrata e burgut nuk po e lejon mjekun ndërkombëtar ta kontrollojë politikanin. Amnesty International pretendoi javën e kaluar se Navalny, i cili u helmua nga një agjent nervor fillestar vitin e kaluar, tani vuan nga mungesa e gjumit dhe se nuk ka asnjë mjek në burg që mund t’i besojë.
Top Channel
