Ministrja e Arsimit, Sportit dhe Rinisë Evis Kushi, nëpërmjet rrjetit të saj social ka reaguar për ndarjen nga jeta të Bashkim Finos.
“E vështirë të them lamtumirë për Bashkim Finon!”, nënvizon Ministrja Kushi, ndërsa cilëson se “Një mik i dashur si ai nuk mund të largohet kurrë, por do të jetojë në kujtimet tona përgjithmonë!”
Deputeti socialist, Bashkim Fino është ndarë nga jeta në moshën 59-vjeçare. Ai ishte prekur nga COVID-19 prej disa ditësh dhe gjendja e tij ishte përkeqësuar.
Bashkim Fino lindi më 12 tetor 1962 në Gjirokastër. Ishte Kryeministër i Shqipërisë prej 9 mars 1997 deri më 29 qershor 1997. Kreu studimet e larta në Universitetin e Tiranës, Fakulteti Ekonomik, dega Financë. Në vitin 1992, Z. Fino u zgjodh Kryetar i Bashkisë Gjirokastër, post të cilin e mbajti deri në vitin 1996.
Top Channel
