Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Presidenti rus Vladimir Putin zhvilloi biseda të ndara telefonike me presidentin e Azerbajxhanit, Ilham Aliyev, si dhe kryeministrin e Armenisë, Nikoll Pashinyan, ku u diskutuan zhvillimet e fundit në rajonin e Malësisë së Karabakut.
“Me kënaqësi u theksua se regjimi i armëpushimit ishte përmbushur plotësisht dhe se situata në rajon mbeti përgjithësisht e qëndrueshme dhe e qetë”, thonë nga Kremlini përmes në një kumtese.
Çështjet në lidhje me zhbllokimin e lidhjeve ekonomike dhe të transportit në Kaukazin e Jugut u diskutuan gjithashtu gjatë bisedave telefonike, thuhet në kumtesë.
Marrëdhëniet midis dy ish-republikave sovjetike, Azerbajxhanit dhe Armenisë, që nga viti 1991 kanë qenë të tensionuara, pasi ushtria armene pushtoi Malësinë e Karabakut, i njohur ndërkombëtarisht si një territor azerbajxhanas.
Kur përplasjet e reja shpërthyen më 27 shtator, ushtria armene filloi sulmet ndaj civilëve dhe forcave azerbajxhanase, si dhe shkeli disa marrëveshje humanitare të armëpushimit.
Gjatë konfliktit 44-ditor, Azerbajxhani çliroi disa qytete, si dhe rreth 300 vendbanime dhe fshatra nga pushtimi pothuajse 3-dekadësh i Armenisë.
Dy shtetet nënshkruan një marrëveshje të ndërmjetësuar nga Rusia në 10 nëntor për t’i dhënë fund luftimeve dhe për të punuar drejt një zgjidhjeje gjithëpërfshirëse.
Një qendër e përbashkët turko-ruse u krijua për të monitoruar armëpushimin./AA/
Top Channel
