Postimi prekës i vajzave të Bruce Willis, ndajnë foton e ëmbël krahë aktorit në Ditën e Falënderimeve: Babai më i mirë 29/11 23:02
Uthulla e bardhë dhe soda e bukës mund të gjenden në shumicën e familjeve. Përveçse si produkte ushqimore, këto dy produkte mund të kombinohen për të hequr edhe njollat më të vështira.
Soda e bukës përdoret tradicionalisht në pjekje, për fryrjen e ëmbëlsirave, megjithatë, përbërja e saj kimike e bën ideale për pastrim dhe të heqë dhe yndyrë me lehtësi. Uthulla e bardhë është gjithashtu një produkt pastrimi i nënvlerësuar, i aftë të lërë pas një shkëlqim pa vija në disa sipërfaqe
Lavamanët e kuzhinës sonë mund të bllokohen lehtë, nëse ndonjë ushqim i mbetur do të zbresë në kulluese. Për të luftuar vendet e bllokuara, përzieni gjysmë filxhani sodë buke me një filxhan uthull të bardhë. Lëreni për ndërmjet pesë deri në 20 minuta dhe më pas hidhni pak ujë të sapo zier.
Qofshin pllaka kuzhine apo tualet, shpesh tërheqin papastërti, pluhur dhe madje edhe myk me kalimin e kohës. Përzieni sodë buke dhe ujë, dhe pastrojeni këtë në zonat e prekura.
Tiganët e tenxheret- Nëse keni djegur pjesën e poshtme, ose thjesht keni njolla ushqimi që nuk hiqen, mund të përdorni uthull të bardhë dhe sodë buke dhe ta fërkoni. Sigurohuni që tava është e lagur, pastaj spërkatni me sodë buke. Përdorni një shishe me spërkatje, pasi do ta bëjë më të lehtë procesin. Lëreni për disa momente, pastaj lajeni si normalisht.
Nëse keni disa rroba të mbuluara me njolla ose myk – një zgjidhje është të përdorni sodë buke dhe uthull të bardhë parase ta lani. Ju mund të përzieni gjysmë filxhani sodë buke në detergjentin tuaj të zakonshëm të rrobave për të ndihmuar në zhvendosjen e njollave.
Mund ta përdorni dhe zakonisht, pasi shtimi i një filxhani uthull në ciklin e shpëlarjes do të ndihmojë në largimin e baktereve me lehtësi.
Njollat e ujit të fortë mund të jenë të shëmtuar, qoftë në dush, në lavaman apo në tualet. Mund të duken njolla të verdha dhe të vështira për t’u hequr. Një mënyrë për t’i hequr është që të thithni një leckë në uthull të bardhë dhe të lini mbi zonën e prekur për disa orë. Më pas, hiqni leckën dhe pastroni zonën plotësisht me një pastë sodë buke dhe ujë. Spërkateni edhe një herë me uthull të bardhë, më pas shpëlajeni dhe pastrojeni të thatë.
Njollat e qilimave- Qilimat konsumohen gjatë viteve, dhe njollat e mund të jenë një problem i vërtetë për çdo dhomë. Për të ‘zhdukur’ njollat e shëmtuara të tapetit, hidhini një përzierje me uthull të bardhë dhe sodë buke. Hidheni këtë mbi zonën e prekur dhe lëreni të qëndrojë gjatë natës. Përzierja do të thahet dhe të nesërmen do të jeni në gjendje ta hiqni lehtësisht.
Njollat e kafesë- Kafeja e duam në mëngjes, megjithatë, njollat që lë në filxhanë dhe gotat shpesh janë të pashmangshme. Shtoni sasi të barabarta uthulle të bardhë dhe sodë buke së bashku dhe përdorni këtë përzierje për të pastruar çdo gotë të prekur.
Top Channel
