Dasma si në filma! Nusja dhe 2 mijë të ftuarit e prisnin në kishë, dhëndrit i vihen prangat bashkë me të ëmën (Detaje) 24/11 19:15
Dalai Lama, lideri shpirtëror tibetian 85-vjeçar, ka marrë vaksinën e parë të koronavirusit të shtunën, në një spital në qytetin verior të Indisë, Dharamshala.
Pasi mori vaksinën ai i kërkoi njerëzve të bëheshin të guximshëm dhe të paraqiteshin për tu imunizuar. “Në mënyrë që të parandalojmë probleme serioze, vaksina është e domosdoshme“, tha ai.
Mjekët që kryen edhe vaksinimin e Dalai Lamës, thanë se ai ishte mbajtur nën vëzhgim pas administrimit edhe për 30 minuta. Ata edhe konfirmuan se ai kishte zgjedhur të shkonte vetë në spital, si një njeri i zakonshëm, që të vaksinohej. Edhe 10 persona të tjerë që jetojnë në rezidencën e Dalai Lamës, po ashtu u vaksinuan.
Të gjithë ata morën vaksinën Civishield, versionin e vaksinës së Oxfordit dhe AstraZeneca-s që prodhohet nga Instituti Serum në Indi. Vendi ka konfirmuar më shumë se 11 milionë raste të koronavirusit dhe mbi 157 mijë viktima. Ai është i dyti në botë për sa i takon numrit të rasteve, pas SHBA dhe e nisi vaksinimin në janar. Dalai Lama u vendos në Dharamshala në 1959 pasi u largua nga Tibeti pas një rebelimi të dështuar kundër regjimit kinez. Kina nuk e njeh qeverinë tibetiane në azil dhe akuzon Dalai Lamën se po kërkon ta ndajë Tibetin nga ajo.
Top Channel
