Po planifikonin sulme gjatë Krishtlindjeve dhe Vitit të Ri, autoritetet turke arrestojnë 117 anëtarë të dyshuar të Shtetit Islamik pas bastisjeve në Stamboll 25/12 10:08
Kryeministri japonez Yoshihide Suga ka kërkuar falje publike pasi ligjvënësit nga koalicioni i tij qeverisës shkuan në klube nate në një kohë kur është e ndaluar për shkak të pandemisë.
Fakti që kanë deputetët e tij janë parë duke thyer rregullat e pandemisë, mund të jetë shqetësim për Sugën, i cili është përballur me shumë kritika për menaxhimin e situatës.
Para parlamentit, Suga tha: “Më vjen shumë keq që kjo ndodhi në një kohë kur ne u kërkojmë njerëzve të mos hanë jashtë pas orës 20:00 dhe të shmangin daljet jo thelbësore, jo urgjente. Çdo ligjvënës duhet të sillet në mënyrën e duhur për të fituar besimin e publikut.”
Këtë muaj, Japonia shpalli gjendjen e jashtëzakonshme në Tokio dhe zona të tjera me qëllimin që të uleshin rastet e infektimeve. Masat shtrënguese përfshijnë faktin që restorantet dhe baret të mbyllen deri në orën 8 të mbrëmjes megjithëse nuk ka ndëshkime për shkelje të rregullave.
Një raport i revistës Daily Shincho zbuloi se ligjvënësit nga Partia Liberale Demokratike kishin vizituar dy klube nate në lagjen Ginza të Tokios, pasi kishin ngrënë në një restorant italian të hënën e kaluar.
Duke folur para gazetarëve, Jun Matsumoto tha: “Sjellja ime ishte e pakujdesshme në një kohë kur ne u kërkojmë njerëzve të jenë të durueshëm.”
Top Channel
