Rusia sulm masiv ndaj infrastrukturës energjetike në Ukrainë/ Miliona njerëz pa energji elektrike 28/11 18:37
Vetëm disa minuta pasi Joe Biden bëri betimin si presidenti i 46-të i Shteteve të Bashkuara, Kina vendosi sanksione ndaj disa zyrtarëve të administratës Trump, duke nisur me ish sekretarin e shtetit, Mike Pompeo.
Ministria e Jashtme kineze sqaroi se janë sanksionuar 28 persona të cilët sipas saj “planifikuan, promovuan dhe ekzekutuan një seri lëvizjesh të çmendura që kanë ndërhyrë rëndë në punët e brendshme të Kinës, dëmtuan interesat e Kinës, ofenduan popullin kinez dhe prishën seriozisht marrëdhëniet Kinë-SHBA”. Në mesin e atyre që përballen me masa të tilla nga ana e Pekinit janë dhe këshilltarit tregtar të ish-Presidentit Donald Trump, Peter Navarro, ish-Këshilltarit të Sigurisë Kombëtare Robert O’Brien dhe paraardhësit të tij, John Bolton.
Ministria tha se individëve të sanksionuar dhe familjarëve të tyre të ngushtë “u ndalohet të hyjnë në territorin e Kinës, Hong Kong dhe Makao”. Ajo gjithashtu u shpreh dhe entitetet e lidhura me ta do ta kenë të ndaluar të bëjnë biznes me Kinën.Marrëdhëniet kinezo-amerikane u përkeqësuan ndjeshëm pasi ish-Presidenti Trump filloi luftërat tregtare kundër Pekinit pak pasi hyri në Shtëpinë e Bardhë.
Top Channel
