Shteti që krijoi trazira katër vite më parë, republikanët akuzojnë sërish për vjedhje të votave në… 04/11 18:45
Një ish-ushtarak me veshje të plotë sulmi dhe automatik në dorë, ka mësyrë në një qendër të kafshëve në Australi, teksa besonte se macja e tij e humbur po mbahej aty.
Rrjedha e cuditshme e ngjarjeve u shpalos të hënën në jug të kryeqytetit Melbourne, u tha dje në gjykatë, ku i ndaluari kishte kryer aksionin e tmerrshem në stil Rambo, mes civilëve.
44 vjeçari Tony Wittmann, baba i tre fëmijëve dhe veteran i ushtrisë, ishte aq i nervozuar sa kërcënoi me armën e mbushur punonjësen e strehës së kafshëve dhe më pas e lidhi në parkingun e qendrës.
“Bëj si të them dhe nuk do të të qëlloj,” raportohet se e kishte kërcënuar ai.
Ish-ushtaraku i përjashtuar nga ushtria për mungesë disipline, akuzohet tashmë për pengmarrje, burgosje të paligjshme dhe grabitje të armatosur.
Wittmann i tëri në veshje taktike ushtarake, me helmetë dhe maskë fytyrë, sulmoi qendrën e kashëve Cranbourne West pasi besonte se aty po mbahej macja e tij.
Pasi i ishte refuzuar aksesi një ditë më parë, ai kishte marrë në dorë cështjen dhe i armatosur detyroi gruan t’i tregonte ku ndodheshin macet.
Por Wittmann jo vetëm nuk gjeti macen e tij por tashmë është burgosur pa të drejtë lirie me kusht.
Prokurorët thanë se krimi i ka lënë të prekurit në gjendje shoku.
Top Channel
