Turistët u shtuan edhe në vjeshtë! Instat: Muaji tetor, 9.3% më shumë të huaj sesa një vit më parë
26/11 10:54
Ekspertja e Ekonomisë, Suzana Guxholli
Ekspertja e Ekonomisë, Suzana Guxholli është përfshirë në një debat me ministren e Ekonomisë, Anila Denaj mbrëmjen e sotme në emisionin “Open” në Top Channel.
Ajo ka kundërshtuar ministren, e cila tha se shqiptarët kanë përfituar nga taksat e vendosura nga qeveria. Guxholli theksoi se shqiptarët po shqyhen për të mbajtur familjen duke punuar mbi normën e vendosur..
“Shqyhen njerëzit edhe tjetri e merr me 8 orë e shqiptarët me 12 orë, dividenti është fitimi që e merr dhe e fut në xhep”, tha Guxholli.
Ndërsa ministrja tha se ata që fitojnë më shumë paguajnë më shumë taksa.
“Në kontekstin e rritjes së taksave nuk kemi thënë që ka grupe që do të paguajnë më shumë, kush fiton më shumë paguan më shumë”, tha Denaj.
Ndërsa Gjergj Buxhuku theksoi se barra fiskale është rritur dhe se nuk janë vetëm tatimet mbi të ardhurat.
”Barra fiskale është rritur, nuk janë vetëm tatimet mbi të ardhurat. Së dyti janë rritur shumë taksat lokale. Në finish qytetari shikon masën absolute të nxjerrjes nga xhepi. Këta të kafes së mëngjesit kanë paguar më shumë”, tha Gjergj Buxhuku.
Top Channel
