Në Barcelonë protestohet kundër rritjes së çmimeve të qirasë 24/11 11:49
Një djalë palestinez ka pësuar paralizë pasi u qëllua në qafë nga ushtarët izraelitë gjatë një konfrontimi ne zonat e pushtuara të bregut Perëndimor, njoftonte ministria palestineze e shëndetësisë.
24 vjeçari Haron Abu Aram u qëllua të premten në fshatin Al-Tuwanah, në jug të Hebron (Al-Khalil), teksa tentonte të ndalonte ushtarët të merrnin gjeneratorin e tij, tha agjencia e lajmeve Wafa.
Aram u shtrua në gjendje të rëndë në spitalin e Yatta para se të transferohej në spitalin e Hebron,.
Në video, Abu Aram, i cili shihet i zbathur, goditet nga ushtarët disa herë në kokë bashkë me tre palestinezë të tjerë, para se të dëgjohet e shtëna e armës, kur dhe kamera kthehet nga trupi i tij pa ndjenja.
Grupimi izraelit i të drejtave B’Tselem, thotë se viktima Abu Aram para incidentit po ndihmonte në ndërtimin e shtëpisë së fqinjit të tij.
B’Tselem shton se ushtria izraelite kishte shembur shtëpinë e Abu Aram më nëntor 25, me pretekstin se ishte ndërtuar pa leje.
Palestinezëve rrallëherë u jepen leje për ndërtim nga autoritetet izraelite, pasi kanë çmime të papërballueshme dhe krijojnë mundësinë që Izraeli të vazhdojë politikat e aneksimeve të tokave, duke parandaluar që palestinezët të zhvillojnë infrastrukturën e tyre.
IDF shot point blank an unarmed Palestinian after attempting to confiscate his electricity generator.
He was shot in the neck. pic.twitter.com/U71gcCxupV
— Lebanese News and Updates (@LebanonaME) January 1, 2021
Top Channel
