Shtyhet sërish rivlerësimi i pronave me vendim të Këshillit të Ministrave. Rivlerësimi i pronave të paluajtshme kishte afat deri më 31 shtator 2021, por është shtyrë për herë të dytë, pas shtyrjes që iu bë fillimisht në shtator.
Shkak është bërë pandemia COVID-19, pasi gjatë më shumë se dy muajve karantinë procesi i rivlerësimit thuajse nuk ka funksionuar për shkak se shumë aktivitete u mbyllën, qarkullimi u mbyll, po ashtu edhe sportelet e administratës pjesërisht u mbyllën për të mos lejuar përhapjen e COVID 19.
Rivlerësimi është një proces që përafron vlerën e pasurisë me çmimin aktual të tregut, bëhet vullnetarisht nga qytetarët brenda një afati të caktuar kohor, duke iu krijuar mundësinë që tatimi që i paguhet shtetit në rast të një shitjeje, të jetë shumë më i vogël.
Ky proces ka nisur javën e dytë të muajit shkurt të këtij viti dhe pritej të mbyllej në 30 shtator. Nga ky rivlerësim do të kenë mundësi të përfitojnë 50 mijë pasuri, dhe që efekti pozitiv në buxhetin e shtetit pritet të jetë 6 miliardë lekë.
Top Channel
