Analiza/ Si e sheh botën Marco Rubio, i zgjedhuri i Trumpit për sekretar të Shtetit? 13/11 22:43
Bashkimi Evropian (BE) miratoi “regjimin e ri të sanksioneve globale për të drejtat e njeriut” të cilat do të sigurojnë zbatimin e sanksioneve ndaj individëve, institucioneve dhe organizatave që kryejnë shkelje të të drejtave të njeriut, transmeton Anadolu Agency (AA).
Sipas një deklarate nga Këshilli i BE-së, me sistemin e ri që u miratua sot në Bruksel në takimin e Ministrave të Jashtëm të BE-së, do të mund të vendosen për herë të parë në objektivin e BE-së aktorë shtetëror ose jo shtetëror që kryejnë shkelje serioze të të drejtave të njeriut në të gjithë botën.
Sanksionet e BE-së përfshijnë ndalesën e udhëtimit, ngrirjen e aseteve dhe ndalimin e drejtpërdrejtë ose indirekt të sigurimit të fondeve nga individët dhe organizatat brenda BE-së ndaj atyre që vendosen në listën e sanksioneve.
Ndërsa në shkeljet që hyjnë në kuadrin e sanksioneve përfshihen situatat serioze si gjenocidi, torturat dhe krimet kundër njerëzimit, skllavëria, ekzekutimet arbitrare, arrestimet dhe ndalimet arbitrare.
Vendimet për sanksione mund të merren me propozimin e një vendi anëtar ose të Përfaqësuesit të lartë të BE-së për marrëdhëniet me jashtë dhe të sigurisë.
Top Channel
