Një shtetas është proceduar penalisht dhe është gjobitur pasi tentoi të kalonte pikën kufitare të Kakavijës edhe pse kishte rezultuar pozitiv me Covid-19.
Pas kontrollit në pikën kufitare të Kakavijës, burri jo vetëm është ndaluar të kalojë, por i është vendosur edhe masa administrative në vlerën 700.000 lekë.
65-vjeçari procedohet për veprën penale “Moszbatimi i masave të autoriteteve shtetërore gjatë gjendjes së masave të jashtëzakonshme apo gjatë gjendjes së epidemisë”.
Njoftimi i policisë/ Gjirokastër
Procedohet penalisht në gjendje të lirë 1 shtetas, për veprën penale “Moszbatimi i masave të autoriteteve shtetërore gjatë gjendjes së masave të jashtëzakonshme apo gjatë gjendjes së epidemisë”.
Ditën e sotme u referuan materialet hetimore në Prokurorinë e Rrethit Gjyqësor Gjirokastër, për shtetasin V. Ll., 65 vjeç, banues në fshatin Lumas, Elbasan, pasi gjatë kontrollit të ushtruar në vijën e dytë në PKK Kakavijë, pas kontrollit të dokumentit të PCR ka rezultuar pozitiv me SARS – COV 2, sipas analizave të një laboratori në një klinikë private.
Gjithashtu, këtij shtetasi i është vendosur edhe masa administrative në vlerën 700.000 lekë.
Top Channel
