Seanca e Kuvendit të Kosovës e ndërprerë të premten do të vazhdoj sot.
Në rend dite do të jenë 13 pika e në mesin e tyre do të jetë edhe votimi i propozim-rezolutës nga interpelanca me kryeministrin e Kosovës, Avdullah Hoti sipas kërkesës së deputetes së Vetëvendosjes Saranda Bogujevci për çështjen “Trajtimi i dëmshëm i temës së të pagjeturve në zotimet e 4 shtatorit, duke kushtëzuar me personat e zhvendosur”.
Interpelanca për këtë temë u mbajt të premten që lamë pas, e ku ngjalli edhe debat të madh në Kuvendin e Kosovës, ku deputetët e pozitës dhe opozitës u përplasen për shumë tematika.
Më poshtë sjellim rendin e ditës së vazhdimit të seancës plenare:
Vazhdimi i Seancës plenare
Rendi i ditës
4. Votimi i Propozim-rezolutës nga Interpelanca me Kryeministrin e Republikës së Kosovë, z. Avdullah Hoti, sipas kërkesës së deputetes Saranda Bogujevci, mbështetur edhe nga 6 deputetë të GP të LVV-së, për çështjen “Trajtimi i dëmshëm i temës së të pagjeturve në zotimet e 4 shtatorit, duke e kushtëzuar me personat e zhvendosur”,
5. Votimi në parim i Projektligjit nr. 07/L-033 për të Drejtën Ndërkombëtare Private,
6. Votimi në parim i Projektligjit nr. 07/L-027 për ndryshimin dhe plotësimin e Ligjit nr. 04/L-008 për Këshillin Ekonomiko-Social,
7. Votimi në parim i Projektligjit nr. 07/L-028 për Inspektoratin e Punës,
8. Votimi në parim i Projektligjit nr. 07/L-038 për identifikimin elektronik dhe shërbimet e besuara në transaksionet elektronike,
9. Votimi në parim i Projektligjit nr. 07/L-012 për ndryshimin dhe plotësimin e Ligjit nr.03/L-073 për zgjedhjet e përgjithshme në Republikën e Kosovës, i ndryshuar dhe plotësuar me Ligjin nr.03/L-256,
10. Shqyrtimi i Raportit të Buxhetit të Republikës së Kosovës për vitin 2019,
11. Shqyrtimi i Raportit Vjetor të Organit Shqyrtues të Prokurimit për vitin 2019,
12. Shqyrtimi i Rekomandimeve të Komisionit për Mbikëqyrjen e Financave Publike, për raportin e auditimit të Pasqyrave Vjetore Financiare të Ministrisë së Arsimit, Shkencës dhe Teknologjisë për vitin 2019,
13. Shqyrtimi i Raportit Vjetor të Komisionit Rregullator të Prokurimit Publik për vitin 2019,
14. Shqyrtimi i Raportit Vjetor të performancës së Zyrës Kombëtare të Auditimit për vitin 2019,
15. Shqyrtimi i Raportit Vjetor të Agjencisë së Statistikave të Kosovës për vitin 2019,
16. Formimi i Komisionit Ad-Hoc për përzgjedhjen e kandidatëve për dy (2) anëtarë të Komisionit të Pavarur të Mediave, nga radhët e komunitetit shqiptar.
Vendi: Salla e seancave plenare
Koha: 10:00
Top Channel
