Ngrihet alarmi, shfaqet një virus i ri vdekjeprurës! Mjekët zbulojnë simptomat dhe paralajmërojnë udhëtarët 03/12 18:37
Rreth 200 njerëz kanë marrë pjesë në një festë të maskuar si xhirim filmi ku të ftuarit ishin thirrur si ‘aktorë episodikë’, me sa duket për të shmangur rregullat e kufizimeve shëndetësore, raportonte e përditshmja gjermane Bild.
Autoritetet në Gjermani thanë se do të flasin me studion filmike e cila ka mbajtur një festë me dhjetra njerëz mes të cilëve dhe aktori Keanu Reeves, për përfundimin e xhirimeve të serisë së fundit të ‘Matrix’, megjithse kufizimet e koronavirusit janë në fuqi.
Festa me një maksimum prej 50 njerëzish janë ndërkohë të lejuara në Berlin dhe në shtetin fqinj të Brandenburg, ku u zhvillua dhe festa ilegale e studiove Babelsberg, në perëndim të kryeqytetit. Por evente të tilla duhet të regjistrohen paraprakisht, dhe aprovohen nga autoritetet vetëm nëse ruajnë “konceptin e higjenës”.
Normalisht të ftuarit duhet të mbajnë maskë kur nuk janë duke ngrënë ose duke pirë.
Një e ftuar 39-vjeçare në festë, kishte thënë për Bild: “Atmosfera ishte e shkëlqyeshme. Të gjithëve iu bë testi i koronavirusit PCR paraprakisht. Të gjithë erdhën me maskë por teksa festa vazhdonte, shumë njerëz nuk e mbanin më”.
Ajo shton: “Nuk u dhanë instruksione higjene dhe askush nuk ishte duke filmuar”.
Festa ishte organizuar nga producentët Lana e Lilly Wachowski të cilët mbanin emrat e koduar “Icecream Teamevent” sipas burimeve të gazetës. Festa kishte nisur të mërkurën në ora 18.00 dhe kishte vazhduar derti në orët e para të së enjtes.
Të ftuarit zbaviteshin me muzikën e një DJ, kishte një shfaqje piroteknike dhe gjithashtu merrnin tatuazhe të Matrix, në formë suvenirësh. Në pijet e ushqimet përfshiheshin sushi, sake, pica, currywurst (salçiçe Berlini) dhe ëmbëlsirë me fruta e çokollatë.
Disa tenda në stil ‘beduin’ ishin vendosur për me shume privatesi te të ftuarit.
Keanu Reeves dhe e dashura e tij, artistja Alexandra Grant, ishin ulur në një tavolinë dhe pinin verë, por u larguan herët, shkruante Bild.
Zëdhënësja e studiove Babelsberg, Bianca Markarewicz, justifikohej se producentët e Matrix po xhironin “skenat e celebrimit të filmit të përfunduar në verë, dhe të gjitha rregullat e higjenës ishin zbatuar.”
Ajo shtoi: “Ne me vetëdije organizuam këtë xhirim me shumë pjesëmarrës”.
Ky është nga rastet e rralla ku aktori Keanu Reeves merr publicitet të keq, pasi natyra e tij e mbyllur dhe afërsia me fansat i kanë dhënë pseudonimin “i dashuri i internetit”.
Një zëdhënës i qytetit të Potsdam, përgjegjës për dhënien e lejeve të festave të tilla, tha: “Ne nuk na është njoftuar asnjë event. Por ka pasur diskutime mes autoriteteve shëndetësore dhe studiove për mbrojtjen nga infektimet gjatë filmimeve”.
Top Channel
