Rëndohet bilanci i koronavirusit, në shumë vende hyjnë në fuqi masa të reja

Numri i vdekjeve për shkak të virusit në 24 orët e fundit në Mbretërinë e Bashkuar u rrit me 136 të tjerë dhe arriti në 46.853, dhe numri i të infektuarve u rrit me 18.950 raste të reja duke shkuar në 1.053.864.

Kryeministri Boris Johnson ka mohuar vlerësimet për vonesën në marrjen e vendimit për një karantinë të dytë në kuadër të luftës kundër epidemisë, duke thënë: “Në fakt ne kalojmë marrjen e masave kufizuese në shkallë kombëtare në një periudhë kur për shembull si numri i vdekje, ashtu edhe ati i infektimeve është më i ulët se në Francë. Në një deklaratë që kishte bërë më 16 shtator Johnson kishte deklaruar se një karantinim i dytë do të ishte “katastrofë”, kurse të premten e kaluar ai tha se duke filluar nga 5 nëntori në të gjithë vendin do të zbatohej një karantinë 4-javore.

Numri i vdekjeve në 24 orët e fundit për shkak të Covid-19 në Francë u rrit me 416 të tjerë dhe arriti në 37.435, ndërsa numri i të infektuarve u rrit me 52.518 të tjerë dhe arriti në 1.466.433. Shkalla e testeve pozitive për personat e dyshuar me Covid-19 në vend ka shkuar në 20,6 për qind. Për shkak të rritjes së shpejtë të numrit të të infektuarve me Covid-19, gjendja e shtetrrethimit po zbatohet në të gjithë territorin e Francës. Zëdhënësi i qeverisë, Gabriel Attal i tha televizionit BFM se orari kur do të fillojë ndalimqarkullimi i plotë në Paris dhe rrethinat e tij do të tërhiqet në orën 21.00.

Me qëllim zvogëlimin e shkallës së rritjes në numrin e rasteve me Covid-19 masa kufizuese kanë hyrë në fuqi edhe në Gjermani, ku numri i vdekjeve deri tani është 10 mijë e 734, dhe numri i përgjithshëm i të infektuarve është 560 mijë e 586. Kancelarja Angela Merkel vuri në dukje se numri i rasteve ditore në vend është trefishuar në 14 ditët e fundit dhe tha: “Situata aktuale është shqetësuese. Merkel kërkoi nga qytetarët që të respektojnë masat dhe tha: “Është në dorën e gjithsecilit që ta kthejmë nëntorin në një sukses të përbashkët”.

Numri i të shëruarve nga koronavirusi i ri (COVID-19) në mbarë botën ka tejkaluar 34 milionë

Sipas faqes së internetit “Worldometer”, e cila përpilon të dhënat mbi pandeminë, njoftohet se gjithsej 34.035.878 persona në botë janë shëruar pas infektimit me virusin.

Në të njëjtën kohë, 4 vendet e para me numrin më të lartë të rasteve në botë, janë gjithashtu edhe vendet ku janë shëruar më shumë persona.

Numri më i madh i të shëruarve është regjistruar në Indi (7.603.121), ndërsa pas saj radhiten SHBA-ja (6.171.402), Brazili (4.980.942), dhe Rusia (1.236.033).

Ndërkaq, në Turqi, numri i të shëruarve ka arritur në 327.007.

Tejkalon 12 milionë numri i personave që vazhdojnë trajtimin

Teksa ka kaluar 12 milionë numri i të sëmurëve që vazhdojnë trajtimin, bëhet e ditur se në mbarë botën ka arritur në 12.079.416 numri i të infektuarve aktivë.

Simptomat e sëmundjes janë të lehta tek 11.992.778 të atyre që marrin trajtim dhe vazhdon rreziku për jetën tek 86.638 prej të sëmurëve.

Shtimi i numrit të sëmurëve nën trajtim rrit barrën mbi sistemet shëndetësore të vendeve.

SHBA-ja është renditur vendi me numrin më të madh të rasteve aktive ku ndodhen nën trajtim 3.159.144 persona.

SHBA-ja ndiqet nga Franca me 1.309.894, India me 541.363, Brazili me 412.992, Belgjika me 409.498, Italia me 396.512 dhe Rusia me 390.532.

Në Turqi që prej 2 nëntorit janë 52.768 raste aktive me COVID-19, ku 2.341 prej tyre e përbëjnë të sëmurët në gjendje të rëndë.

Që nga shfaqja për herë të parë në Kinë dhjetorin e kaluar, koronavirusi është përhapur në mbarë botën, duke infektuar mbi 47,3 milionë njerëz dhe duke shkaktuar mbi 1 milion e 212 mijë të vdekur.

442 punonjës të mediave humbin betejën me COVID-19

Fushata e Emblemës së Shtypit (PEC) ka bërë të ditur se të paktën 442 punonjës të medias në 52 vende kanë humbur jetën nga koronavirusi i ri (COVID-19) që nga fillimi i muajit mars.

Në Ditën Ndërkombëtare të Gazetarëve për t’i dhënë fund mosndëshkimit për krimet kundër gazetarëve, organizata joqeveritare me status të posaçëm këshillues të Kombeve të Bashkuara (OKB), me seli në Gjenevë, tha se “COVID-19 vazhdon të marrë shumë viktima midis gazetarëve”.

PEC tha se 63 gazetarë po ashtu kanë qenë viktimë e vrasjeve në shënjestër që nga muaji janar. Kjo shifër këtë vit e çon numrin e përgjithshëm të fataliteteve të punonjësve të medias në mbi 500.

“Është një numër jashtëzakonisht i rëndë dhe i pashembullt. Siguria e të gjithë gazetarëve që punojnë në terren për të informuar mbi pandeminë është në rrezik”, tha Blaise Lempen, sekretari i përgjithshëm i organizatës PEC.

“Shumë prej viktimave janë të rinj. Ata janë infektuar në punë. Pasi vala e dytë sapo ka filluar, ne i nxisim të gjitha palët e interesit që t’i mbrojnë më mirë punonjësit e medias, pa i penguar ata të bëjnë punën e tyre”, shtoi Lempen.

Sipas rajoneve, Amerika Latine kryeson me më shumë se gjysma e numrit të përgjithshëm të viktimave, respektivisht me 251 vdekje, duke u ndjekur nga Azia me 116 viktima, pastaj Evropa me 30, Amerika e Veriut me 23 dhe Afrika me 22.

PEC tha se numri aktual i të vdekurve nga koronavirusi është “sigurisht më i lartë”, pasi disa vende nuk raportojnë vdekjet e gazetarëve ose disa prej tyre nuk u testuan para se të ndërronin jetë.

Peruja renditet vendi i parë me 93 gazetarë që humbën jetën nga COVID-19 që nga muaji mars, duke u ndjekur nga India me 47 vdekje, Ekuadori me 41, Brazili me 36 dhe Bangladeshi me 35.

Në Meksikë të paktën 26 gazetarë vdiqën nga infeksioni, pasuar nga SHBA (22), Pakistani (11), Panamaja (11) dhe Bolivia (9).

Nga tetë gazetarë vdiqën në Mbretërinë e Bashkuar dhe Nigeri, nga shtatë në Afganistan dhe Honduras, nga pesë në Rusi, Venezuelë dhe Republikën Dominikane, si dhe nga katër në Kolumbi, Francë dhe Spanjë.

Nga tre gazetarë vdiqën në Itali, Kamerun, Egjipt, Guatemalë, Nepal dhe El Salvador. Nga dy në Algjeri, Argjentinë, Indonezi, Iran, Afrikë e Jugut dhe Suedi.

Po ashtu të paktën një fatalitet nga virusi u regjistrua në Austri, Belgjikë, Kanada, Republika Demokratike e Kongos, Gjermania, Iraku, Izraeli, Japonia, Kazakistani, Kirgistani, Libani, Maroku, Paraguai, Arabia Saudite, Zvicra, Taxhikistani, Togo dhe Zimbabve./trtshqip/

Top Channel