Avioni përplaset me disa kamionë teksa zbriste në pistë, tre të plagosur 17/11 22:57
Cineworld do të shkurtojë dhjetëra e mijëra vende pune pasi konfirmoi planet që do të mbyllte përkohësisht kinematë e saj në Britaninë e Madhe dhe SHBA për shkak të problemeve të shkaktuara nga pandemia e koronavirusit.
Kompania tha se vendimi i saj prej 45 mijë punonjës të cilët do të humbasin punën këtë javë me shpresën se mund të rikthehen kur situata e vështirë të kalojë. Cineworld e mori vendimin për mbylljen e kinemave pas raporteve për shtyrje të tjera në kohë të premierave të filmave të rinj, i fundit mes të cilëve filmi i ri James Bond, No Time To Die.
Cineworld konfirmon se përkohësisht do të pezullojë operacionet në të 536 kinematë e saj në SHBA dhe 127 të tjerat në Britaninë e Madhe, nga 8 tetori 2020”, thuhej në një deklaratë të kompanisë. Duke qenë se tregjet kryesore në SHBA, kryesisht Nju Jorku, mbeten të mbyllur, dhe pa të dhëna për kohën e rihapjes, studiot hezitojnë të publikojnë prodhimet e tyre të reja. Në këmbim, pa publikime të reja, Cineworld nuk mund ti ofrojë klientëve në SHBA dhe Britani, tregjet kryesore të kompanisë, produkte cilësore që ti tërheqë ata nëpër kinema, pavarësisht covid 19. Njoftimi shkaktoi telashe edhe në bursa ku aksionet e kompanisë ranë me 57 për qind.
Top Channel
