Biden i lejon Ukrainës të përdorë armët me rreze të gjata, ministrja e Jashtme gjermane: Vendim i rëndësishëm 18/11 11:42
Presidenti turk, Recep Tayyip Erdoğan, ka përsëritur thirrjen për reformë në OKB, duke deklaruar se gjatë krizës së koronavirusit të ri (COVID-19) “kemi parë sa joefektive janë mekanizmat ekzistuese globale”, raporton Anadolu Agency (AA).
“Ne duhet të pajisim Këshillin e Sigurimit me një strukturë dhe funksionim më efektiv, demokratik, transparent dhe të përgjegjshëm”, tha presidenti Erdoğan.
Gjatë pandemisë COVID-19, njoftoi presidenti turk, vendi i tij ka dërguar ndihmë me pajisje mjekësore në 146 vende dhe 7 organizata ndërkombëtare.
“Turqia do të vazhdojë përpjekjet për të shndërruar Stambollin në një qendër rajonale të OKB-së”, u shpreh ai.
…
Erdoğan: Turqia ka qenë vendi i vetëm me përgjigje konkrete dhe thirrje mbështetëse në ndihmë të qeverisë legjitime libiane.
Erdoğan: Historia nuk do t’i falë ata që lakmojnë sovranitetin dhe integritetin politik dhe territorial të Jemenit ose që anashkalojnë vuajtjet e saj të vazhdueshme.
Erdoğan: Turqia favorizon zgjidhjen e çështjeve në programin bërthamor të Iranit përmes diplomacisë dhe dialogut në bazë të ligjit ndërkombëtar.
Erdoğan: Nuk do të ketë zgjidhje të përhershme të çështjes siriane pa miratuar të njëjtin qëndrim parimor dhe vendimtar ndaj të gjitha grupeve terroriste.
Erdoğan përsëriti thirrjen e Turqisë për vendosjen e dialogut dhe bashkëpunimit midis vendeve bregdetare të Mesdheut Lindor.
Erdoğan bëri thirrje për formimin e një shteti të pavarur dhe sovran të Palestinës të bazuar në kufijtë e vitit 1967, me Kudsin Lindor si kryeqytet të saj.
Erdoğan propozon konferencë rajonale, përfshirë Qipron Turke, ku do të konsiderohen të drejtat dhe interesat e të gjitha vendeve.
Top Channel
