Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Shteti i Nju Jorkut ka vendosur të ngrejë një statujë në kujtim të Ruth Bader Ginsburg në Brooklyn, ku magjistratja e famshme dhe ikona e feminizmit u rrit, njoftoi sot guvernatori Andrew Cuomo.
Dekanja e Gjykatës Supreme të SHBA-së, e cila vdiq dje në moshën 87-vjeçare, ishte një figurë monumentale e luftës për barazi dhe të gjithë jemi dakord se ajo meriton një monument për nder të saj”, deklaroi i zgjedhuri demokrat në një komunikatë.
Ginsburg la pas një trashëgimi thelbësore juridike, por vdekja e tij provokon një betejë të madhe gjatë javëve të zëvendësimit të saj para zgjedhjeve presidenciale të SHBA.
E njohur për mbrojtjen e saj të palëkundur të të drejtave të grave, Ginsburg zuri vendin e saj në Gjykatën e Lartë në Gusht 1993 dhe u bë një votë kryesore liberale në gjykatë gjatë presidencës së Donald Trump.
Presidenti i SHBA Donald Trump e ka quajtur Ruth Bader Ginsburg një “titane të ligjit’’.
“E njohur për mendjen e saj të shkëlqyeshme dhe disidencën e fuqishme në Gjykatën e Lartë, gjykatësja Ginsburg ka treguar se dikush nuk mund të pajtohet pa qenë i papranueshëm për kolegët ose pikëpamjet e ndryshme,” theksoi Trump në një deklaratë zyrtare në Twitter.
“Pikëpamjet e saj, përfshirë vendimet e njohura në lidhje me barazinë ligjore midis grave dhe personave me aftësi të kufizuara, kanë frymëzuar të gjithë amerikanët dhe brezat e mendjeve të mëdha ligjore’’, shtoi Trump.
Top Channel
