Në pjesën e dytë në Open në Top Channel po diskutohet për fillimin e shkollës dhe problematikat e këtij viti arsimor.
Gjatë diskutimit shpërtheu një debat i fortë mes ekspertit të arsimit Ndriçim Mehmeti dhe drejtoreshës së ISHP-së Albana Fico. Debati nisi kur Mehmeti tha se ka shkelje të rënda në procedurat e ndjekura për hapjen e shkollës.
Pjesë nga debati:
Mehmeti: Ka shkelje të rënda në protokollet. Në këto shkresa nuk merren përgjegjësi. Ne nuk kemi buxhet për menaxhimin e situatës. Këto nxjerrin nxënësin në komisionin e etikës. Shikoni pamjet, ja si mblidhen.
Fico: Kjo është dyndje. Jam dakord se në ditën e parë kishte një dyndje dhe nuk u zbatuan tërësisht masat.
Mehmeti: Në Korçë nuk kishte termometër.
Fico: E dini se çfarë ka ndodhur me atë shkollë?
Mehmeti: E tha publikisht kryetari i Bashkisë Korçë. Nuk e di çfarë ndodhi me atë shkollë.
Fico: Nuk po dyshoj në atë që thoni ju, por mos flisni për diçka kur nuk jeni të informuar.
Top Channel
