Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Analiza globale sugjeron që mbipesha dyfishon rrezikun për trajtimin spitalor të Covid-19 dhe rrit rrezikun e vdekjes me gati 50 për qind.
Obeziteti i bën sëmundjet e tjera të tilla si diabeti dhe presioni i lartë i gjakut më të mundshme, thonë shkencëtarët amerikanë.
Ata gjithashtu shpesh kanë një sistem imunitar të dobësuar që i bënë më të ndjeshëm ndaj simptomave të rënda Covid-19. Ata gjithashtu paralajmërojnë se vaksina kundër koronavirusit mund të jetë më pak efektive te njerëzit me mbipeshë.
“Kjo bazohet në faktin se vaksinat kundër gripit funksionojnë më pak te njerëzit me një indeks të masës trupore (BMI) më të madhe se 30”, shkruan BBC.
Një ekip nga Universiteti i Karolinës së Veriut shqyrtoi të dhënat nga 75 studime nga e gjithë bota për studimin e tyre, duke përfshirë gati 400,000 pacientë. Ata zbuluan se njerëzit me mbipeshë dhe Covid-19 kishin dy herë më shumë gjasa të përfundonin në spital dhe 74 për qind më shumë të ngjarë të pranoheshin në kujdesin intensiv. Ata gjithashtu janë në rrezik më të madh të vdesin nga koronavirusi.
Studimet nga Mbretëria e Bashkuar kanë treguar rreziqe të ngjashme për njerëzit me mbipeshë, duke bërë që qeveria të fusë masa të reja për të luftuar mbipesha.
Profesori Barry Popkin, i cili drejtoi kërkimin nga Departamenti i Ushqimit në Universitetin e Karolinës së Veriut, tha se rreziqet për njerëzit e trashë që vuajnë nga Covid-19 janë shumë më të larta se sa pritej. Ai tha se një dietë më e shëndetshme duhet të jetë një përparësi në shumë vende, me më pak pije me sheqer dhe dukshëm më pak ushqime të përpunuara.
Obeziteti gjithashtu mund të çojë në më shumë inflamacion në trup, të zvogëlojë aftësinë e trupit për të luftuar infeksionet dhe për të rritur ngarkesën në organet e tjera, si dhe në frymëmarrje.
“Studiuesit e vaksinave duhet të shikojnë se si kjo ndikon tek individët e trashë,” thotë Popkin për vaksinën kundër koronavirus.
Top Channel
