Arrestimi i Ilir Metës, Partia e Lirisë njofton protestë para SPAK. Ish-presidenti letër nga qelia! 25/11 19:02
Çlirim Gjata, Sekretari për Çështjet Ligjore në Partitë Demokratike ka hedhur akuza ndaj kryeministrit Edi Rama, duke thënë se ky i fundit ka sfiduar ambasadoren e SHBA duke dalë krah për krah me deputetin e larguar nga ligji i dekriminalizimit.
Sipas PD, Edi Rama u shfaq sot në Vlorë gjatë një përurimi në krah me ish-deputetin e larguar nga politika me vendim të KQZ si pjesëmarrës në organizata kriminale, Shkëlqim Selami.
STATUSI I PLOTË I SEKRETARIT PËR ÇËSHTJET LIGJORE, ÇLIRIM GJATA:
Edi Rama e ka të pamundur të ndahet nga bashkëpunimi me njerëzit e inkriminuar, pavarësisht presionit ndërkombëtar për tu ndarë prej tyre. Shefi i Rilindjes u shfaq sot në Vlorë gjatë një përurimi në krah me ish-deputetin e larguar nga politika me vendim të KQZ si pjesëmarrës në organizata kriminale, Shkelqim Selami.
Duke u shfaqur krah Selamit, Rama sfidoi publikisht sot ambasadoren e SHBA, Yuri Kim e cila vetëm dy ditë më parë ju dërgoi një letër partive kryesore shqiptare, që do të garojnë në zgjedhjet e ardhshme në lidhje me pastërtinë e figurës se kandidatëve të tyren.
Një paralajmërim të tillë Ambasada Amerikane e ka bërë edhe më parë, por gjithmonë Edi Rama e ka injoruar, sepse ai e ka të qartë se pa mbështetjen e krimit të organizuar nuk fiton kurrë zgjedhjet. Edi Rama është peng i krimit dhe pa largimin e tij politika nuk mund të çlirohet nga krimi i organizuar dhe korrupsioni.
Top Channel
