FOTO/ “Telenovela” Wanda-Icardi vazhdon! Modelja zbulon shumë për fansat, futbollisti merr hak dhe lidhet me avokaten e tij
27/11 18:07
Kampionati botëror i përvitshëm i tangos, në Argjentinë, ka filluar tashmë, por në vend të qindra valltarëve që konkurrojnë në një arenë në Buenos Aires-it, pandemia ka bërë që pjesëmarrësit të konkurrojnë virtualisht.
Kufizimet e koronavirusit në vendin amerikano jugor, që ka raportuar një rekord prej 8713 rastesh të hënën, ka bërë që gjykatësit të mbështeten vetëm te videot e dërguara nga pjesëmarrësit për të dhënë vlerësimin e tyre, duke zemëruar kështu fanatikët e tangos.
Këshilli i qytetit të Buenos Aires-it vendosi të mos e anulojë eventin e përvitshëm edhe pse pjesa më e madhe e qytetit, përfshirë milongas-et e famshme të tij, apo pistat e vallëzimit, janë të mbyllura.
“Ne po testojmë një festival tangoje që i adaptohet situatës në të cilën po kalojmë për shkak të pandemisë. Ndryshe, por me të njëjtin pasion si vitet e mëparshme”, tha shefi i kulturës për qytetin, Enrique Avogadro.
Organizatorët po ashtu do të lejojnë edhe konkurrentë individual për të parën herë. Juria do të përzgjedhë mes videove duke hartuar një listë të shkurtër, që më pas do ti nënshtrohet vlerësimit të publikut përmes një votimi në mediat sociale.
Top Channel
